ફૂલ

નથી લખવી કવિતા મારે ફૂલોની 

એ લોકો કહે છે ફૂલો થી બદલાય છે મોસમ 

અને એ લોકો લખતા રહે છે બદલતી મોસમ ના ફૂલો ની કવિતા

ફૂલો, જે ખીલી તો જાય છે કુદરત ના ક્રમે, પણ કહી નથી શકતા કઇંયે

જયારે એમને કોઈ ચૂંટે. તોડે, ચોળે, મસાલે, રોળી નાખે, ટોળી નાખે,

ખેદન મેદાન કરી નાખે તે છતાં !!

દોરી જાય છે કોઈક બીજું જ, આ ફૂલો ને 

અત્તર ના પૂમડા થી માંડીને ફુલદાન સુધી

ગજરા થી માંડી ને શ્મશાન સુધી 

અથવા  તો પછી પથ્થર ના બનેલા 

મંદિરો -મસ્જીદો -દેવળો સુધી

સરૂપ ધ્રુવ